September, 2020

now browsing by month

 
Posted by: | Posted on: September 8, 2020

ស្ថានទូត​ប្រជាធិបតេយ្យ​ទទូច​​ដល់របប​ក្រុង​ភ្នំពេញ​​ឱ្យ​គោរព​សិទ្ធិ​ជា​មូលដ្ឋាន​របស់​ពលរដ្ឋ

Op-Ed: RFA, Sept. 08, 2020

ស្ថានទូត​បរទេស​មួយ​ចំនួន​​ អះអាង​ថា ពួក​គេ​កំពុង​តាម​ដាន​ដោយ​យក​ចិត្ត​ទុ​ក​ដាក់​ចំពោះ​ការ​បង្ក្រាប​របស់​អាជ្ញាធរ​​​លើ​ក្រុម​សកម្មជន​ និង​អ្នក​តវ៉ា​ដោយ​សន្តិវិធី។ ​តំណាង​រដ្ឋាភិបាល​បរទេស​ទាំង​នោះ ស្នើ​ឱ្យ​របប​លោក ហ៊ុន សែន គោរព​សិទ្ធិ​សេរីភាព​ជា​មូលដ្ឋាន​របស់​ពលរដ្ឋ។ មន្ត្រី​ជាន់​ខ្ពស់​រដ្ឋាភិបាល​ថា ការ​យល់​ឃើញ​យ៉ាងណា​នោះ ជា​សិទ្ធិ​របស់​តំណាង​​រដ្ឋាភិបាល​បរទេស​ តែ​រដ្ឋាភិបាល​កម្ពុជា​មាន​សិទ្ធិ​អនុវត្ត​ច្បាប់​ក្នុង​ដែន​អធិបតេយ្យ​របស់​ខ្លួន។

ស្ថាន​ទូត​ប្រទេស​ប្រជាធិបតេយ្យ​មួយ​ចំនួន​ និង​អ្នក​ជំនាញ​សិទ្ធិមនុស្ស​អង្គការ​សហប្រជាជាតិ ចាត់​ទុក​ការ​ចាប់​ខ្លួន​សកម្មជន​ និង​អ្នក​តវ៉ា​ដោយ​សន្តិវិធី​ថ្មីៗ នេះ គឺ​ជា​បង្ក្រាប​លើ​សិទ្ធិ​សេរីភាព​របស់​ប្រជាពលរដ្ឋ។

អ្នក​នាំ​ពាក្យ​ស្ថាន​ទូត​សហរដ្ឋ​អាមេរិក​ប្រចាំ​កម្ពុជា​ លោក ឆាដ រ៉ូដេម៉ាយអ៊ើរ (Chad Roedemeier) ប្រាប់​អាស៊ី​សេរី​តាម​អ៊ីមែល (E-mail) នៅ​ថ្ងៃ​ទី៧ កញ្ញា​ថា ស្ថានទូត​មាន​កង្វល់​ជា​ខ្លាំង ចំពោះ​ការ​ចាប់​ខ្លួន​ពលរដ្ឋ ​ដែល​ព្យាយាម​អនុវត្ត​សិទ្ធិ​សេរីភាព​របស់​ខ្លួន​។​ លោក​ថា សហរដ្ឋ​អាមេរិក​គាំទ្រ​ជា​និច្ច​ដល់​សិទ្ធិ​សេរីភាព​បញ្ចេញ​មតិ និង​ការ​ជួប​ប្រជុំ​។ លោក​សង្កត់​ធ្ងន់​ថា សហរដ្ឋ​អាមេរិក​ទទូច​ឱ្យ​​រដ្ឋាភិបាល​កម្ពុជា​ ជួយ​សម្រួល​ដល់​ដំណើរការ​នៃ​ការ​សន្ទនា​គ្នា​ដោយ​សេរី និង​ការ​ផ្សះផ្សា​ជាមួយ​ភាគី​ពាក់ព័ន្ធ​ទាំងអស់។

ចំណែក ស្ថាន​ទូត​អូស្ត្រាលី​ប្រចាំ​នៅ​កម្ពុជា​វិញ ឱ្យ​អាស៊ី​សេរី​ដឹង​តាម​អ៊ីមែល​ថា ស្ថាន​ទូត​កំពុង​តាមដាន​ពី​ស្ថាន​ភាព​សិទ្ធិមនុស្ស​នៅ​កម្ពុជា​ដោយ​យ​ក​ចិត្ត​ទុក​ដាក់។ ស្ថានទូត​អូស្ត្រាលី​អះអាង​ថា ដូច​កាល​ពី​មុន​ដែរ​ ប្រទេស​អូស្ត្រាលី​បន្ត​លើក​ឡើង​ពី​បញ្ហា​សិទ្ធិមនុស្ស រួម​ទាំង​​ករណី​ច្បាស់ៗ មួយ​ចំនួន​ ទៅ​កាន់​មេដឹកនាំ​កម្ពុជា។ ប្រទេស​អូស្ត្រាលី​ជំរុញ​ឱ្យ​រដ្ឋាភិបាល​កម្ពុជា​ផ្តល់​កិច្ច​គាំពារ​ដល់​សកម្មជន​សិទ្ធិ​មនុស្ស​គ្រប់​រូប​ ស្រប​តាម​ច្បាប់​ជាតិ​ និង​ច្បាប់​​អន្តរជាតិ​ដែល​កម្ពុជា​បាន​ទទួលយក​មក​អនុវត្ត​​។ ស្ថានទូត​អូស្ត្រាលី​​ឱ្យ​ដឹង​ទៀត​ថា ប្រទេស​អូស្ត្រាលី​នឹង​បន្ត​ធ្វើ​ការ​ប្រកប​ដោយ​ភាព​ច្នៃប្រឌិត​ជាមួយ​ដៃគូ​ទាំង​ឡាយ រួម​ទាំង​កម្ពុជា​ផង​ដែរ ដើម្បី​លើក​កម្ពស់ និង​ការពារ​សេរីភាព​បញ្ចេញ​មតិ និង​សិទ្ធិមនុស្ស​ដទៃ​ទៀត ព្រោះ​រឿង​នេះ​មាន​សារៈសំខាន់​សម្រាប់​វិបុល​ភាព និង​ស្ថិរភាព​រយៈពេល​វែង​នៅ​ក្នុង​តំបន់។

ដោយ​ឡែក ស្ថាន​ទូត​ស៊ុយអែត (Sweden) ​ប្រចាំ​នៅ​កម្ពុជា​វិញ សោក​ស្ដាយ​ជា​ខ្លាំង​ចំពោះ​អាជ្ញាធរ​ ដែល​​ចាប់​ខ្លួន​សកម្មជន​ជា​បន្តបន្ទាប់ ដោយ​គ្រាន់តែ​ពួក​គេ​ប្រើប្រាស់​សិទ្ធិ​សេរីភាព​បញ្ចេញមតិ​ និង​សិទ្ធិ​ជួប​ប្រជុំ​ដោយ​សន្តិវិធី។ ស្ថាន​ទូត​ស៊ុយអែត​អះអាង​ថា ស្ថាន​ទូត​កំពុង​តាម​ដាន​ករណី​ទាំងនេះ​យ៉ាង​ដិត​ដល់ ដោយ​ឈរ​លើ​បទដ្ឋាន​ច្បាប់ និង​គោលការណ៍​ប្រជាធិបតេយ្យ។ ស្ថាន​ទូត​ស៊ុយអែត​បង្ហាញ​កង្វល់​បែប​នេះ​ចំនួន​ពីរ​លើក​រួច​មក​ហើយ ដោយ​លើក​ទី​មួយ​កាល​ពី​ថ្ងៃ​ទី៤ កញ្ញា មួយ​ថ្ងៃក្រោយ​ពេល​អាជ្ញាធរ​ចាប់​ខ្លួន​សកម្មជន​មាតា​ធម្មជាតិ​ ៣នាក់ និង​លើក​ទីពីរ​នៅ​ថ្ងៃ​ទី៦ កញ្ញា បន្ទាប់​ពី​សកម្មជន​៣ នាក់​ផ្សេង​ទៀត ត្រូវ​បាន​ចាប់ខ្លួន​។

អាស៊ី​សេរី​ក៏​បាន​ផ្ញើ​សំណួរ​តាម​សារ​អេឡិចត្រូនិក​ ឬ​អ៊ីមែល (E-mail) ទៅ​ប្រតិភូ​សហភាព​អឺរ៉ុប​ប្រចាំ​កម្ពុជា ដើម្បី​សុំ​ប្រតិកម្ម​រឿង​នេះ​ដែរ ប៉ុន្តែ​មិន​ទាន់​ទទួល​បាន​ការ​ឆ្លើយតប​នៅ​ឡើយ​ទេ គិត​ត្រឹម​ម៉ោង​ផ្សាយ​នេះ។

រីឯ អ្នក​រាយការណ៍​ពិសេស​អង្គការ​សហប្រជាជាតិ​ទទួល​បន្ទុក​ផ្នែក​អ្នក​ការពារ​សិទ្ធិ​មនុស្ស អ្នក​ស្រី ម៉ារី ឡឡូរ (Mary Lawlor) វិញ មាន​ប្រសាសន៍​លើ​បណ្ដាញ​ធ្វីតធ័រ​ (Twitter) ថា អ្នក​ស្រី​ ​ទទួល​បាន​របាយការណ៍​ឥត​ដាច់​ពី​ប្រទេស​​កម្ពុជា​ស្ដី​អំពី​​​ការ​ចាប់​ខ្លួន​អ្ន​ក​ការពារ​សិទ្ធិមនុស្ស និង​បរិស្ថាន​។ ​អ្នក​ស្រី​គូស​បញ្ជាក់​ថា ការ​តវ៉ា​ដោយ​សន្តិវិធី​មិនមែន​ជា​បទល្មើស​នោះ​ឡើយ។

Read More …
Posted by: | Posted on: September 7, 2020

មានតែរបបខ្មែរក្រហមទេដែលចាប់ផ្សឹកព្រះសង្ឃដែលមិនខុសវិន័យអបត្តិបរាជិកនោះ

ការចាប់ផ្សឹកព្រះសង្ឃកើត សារ៉ាយ គឺជាទង្វើខុសច្បាប់ជាតិ ច្បាប់អន្តរជាតិ និងវិន័យព្រះពុទ្ធសាសនា។ ព្រះសង្ឃដែលគេផ្សឹកបានលុះត្រាតែរកឃើញថាមានអបត្តិបរាជិកមួយណាក្នុងចំណោម៤។ ការចូលរួមរបស់ព្រះតេជគុណកើត សារ៉ាយ ឈឺឆ្អាលរឿងសង្គម ជាពិសេសការទាមទារយុត្តិធម៌សង្គម មិនខុសវិន័យអបត្តិបរាជិកទេ។ ទង្វើរបស់អាជ្ញាធរនេះគឺឆ្លងផុតបន្ទាត់ក្រហមហើយ ហើយនេះជាការអនុវត្តតាមលំនាំខ្មែរក្រហមរវាងឆ្នាំ១៩៧៥-១៩៧៦ អស់រយៈពេល៣ឆ្នាំ៨ខែ២០ថ្ងៃ។ លោកហ៊ុន សែន កំពុងឆបោកសមាជិកខ្លួនក្នុងជួរបក្សប្រជាជនថាកំពុងអនុវត្តលទ្ធិប្រជាធិបតេយ្យ ដែលខ្មែរក្រហមក៏ហៅរបបខ្លួនថាកម្ពុជាប្រជាធិបតេយ្យដូចជា។ ទីបំផុកអ្នកឃើញលទ្ធផលហើយ។
លទ្ធិប្រជាធិបតេយ្យគឺគេមិនរំលាយបក្សជំទាស់ មិនចាប់បក្សជំទាស់ដាក់គុក មិនដកហូតដំណែងតំណាងរាស្ត្រនិងក្រុមប្រឹក្សាឃុំសង្កាត់ដែលប្រជាពលរដ្ឋបោះឆ្នោតអោយ មិនចាប់និងចោទការសំដែងមតិនិងការជួបជុំដែលធានាដោយរដ្ឋធម្មនុញ្ញថាជាការបង្កភាពវិកវរសង្គមនោះទេ។

ព្រះតេជគុណកើត សារ៉ាយ


ព្រះតេជគុណកើត សារ៉ាយ និងយុវជនខ្មែរថាវរៈ ចេញមកទាមទារអោយដោះលែងលោកគ្រូរ៉ុង ឈុន និងអោយមានយុត្តិធម៌សង្គមគឺគួរត្រូវបានសរសើរនិងលើកទឹកចិត្តថែមទៀត។


យុត្តិធម៌សង្គមគឺជាបុព្វហេតុសំខាន់សម្រាប់សង្គមមួយដែលលើកកំពស់ភាពជាបណ្ឌិត និងដាក់ទោសទណ្ឌភាពជាជនពាល។ ប្រព័ន្ធយុត្តិធម៌ខ្មែរបច្ចុប្បន្នគឺជាប្រព័ន្ធអយុត្តិធម៌ដែលបង្កភាពងាយស្រួលដល់ជនពាលធ្វើផ្គរធ្វើភ្លៀងរំលោភច្បាប់-ពុករលួយ-រំលោភអំណាច គ្រប់បែបយ៉ាង។


គុកអាចដាក់តែរាងកាយមនុស្សទេ គុកមិនអាចដាក់ចិត្តវិញ្ញាណនិងសេចក្តីស្រឡាញ់យុត្តិធម៌របស់មនុស្សបានឡើយ។ ចាប់ផ្សឹកព្រះតេជគុណកើត សារ៉ាយ គ្រាន់តែជាការយកស្បង់ចីពរចេញកំញើញនិងបន្ទាប់បន្ថោកស្ថាប័នព្រះពុទ្ធសាសនា ប៉ុន្តែមិនអាចផ្សឹកចិត្តបរិសុទ្ធស្រឡាញ់ធម៌ក្នុងដួងហរទ័យរបស់ព្រះតេជគុណកើត សារ៉ាយ បានទេ។
យុត្តិធម៌មិនអាចត្រូវបានគេលើកដាក់លើជើងពានអោយយើងងាយៗទេ បើយើងទាំងអស់គ្នាមិនទាមទារប្រឹងប្រែងដោយស្មងខ្លួនឯង!


យើងត្រូវរួមគ្នាទាមទារយុត្តិធម៌សង្គមទាំងអស់គ្នា!


ប្រភពពីកម្ពុជាថ្មី៖ https://bit.ly/3i7OjnR