June, 2020
now browsing by month
Kem Sokha is imitating Hun Sen to blame those exiled from political executioning
តាមរយៈសារនេះ លោកកឹម សុខា កំពុងសម្លាប់ប្រជាប្រីយភាពខ្លួនតាមលោកហ៊ុនសែនដែរ។ យុគសាកលភាវូបនីយកម្មនេះ(globalization) មនុស្សលោករស់នៅទីណា រត់ទៅទីណាក៏អាចស្រលាញ់ជាតិមាតុភូមិខ្លួនដែរអោយតែមានឆន្ទៈនយោបាយពិតនិងយោនិសោមនសិការពិត។ ផ្ទុយទៅវិញ អ្នកនៅក្នុងស្រុកដែលបំផ្លាញយុត្តិធម៍ ប្រជាធិបតេយ្យ និងសិទ្ធិមនុស្ស ជាពិសេសធនធានធម្មជាតិនោះគឺអាក្រក់ជាងនៅក្រៅស្រុកដែលរមែងជួយជ្រោមជ្រែងទាំងធនធានបញ្ញានិងរូបីយបណ្ណអន្តរជាតិជួយស្រុកទេសវិញមិនដែលដាច់។
សម្រាប់ភាពជាមេដឹកនាំ បើណាប៉ូលេអុងមិនរត់ទៅក្រៅប្រទេសទេ គាត់មិនអាចរំដោះបារាំងពីការឈ្លានពានបានឡើយ បើម៉ៅសេទុងមិនរត់ទៅអឺរ៉ុបទេ គាត់គ្មានលទ្ធភាពបង្រួបបង្រួមចិនបានឡើយ បើព្រះបាទជ័យវរ្ម័នទី២មិននៅប្រទេសជ្វាឬអាណាចក្រសៃលេន្ទ្រៈទេ ព្រះអង្គមិនអាចរំដោះប្រទេសនេះចេញពីកណ្តាប់ដៃបរទេសបានឡើយ បើសម្តេចអង្គដួងមិនបានរៀនសូត្រនៅសៀមទេ ព្រះអង្គក៏គ្មានការយល់ដឹងអាចសរសេរលិខិតទៅបារាំងអោយមកដាក់អាណាព្យាបាល(protectorate)រំដោះកម្ពុជាពីយៀកណាមនិងសៀមបានឡើយ។
ការចោទអ្នករត់ចេញពីស្រុកព្រោះការផ្តន្ទាទោសនយោបាយថាមិនស្នេហាជាតិដូចអ្នកនៅក្នុងស្រុកគឺជាភាសារើសអើងបែបមនុស្សអវិជ្ចាប៉ុណ្ណោះ ហើយនេះជាសាររបស់លោកហ៊ុន សែន ក្នុងការបំបែកបំបាក់សម្ព័ន្ធភាពពីលោកកឹម-សុខានិងសម រង្ស៊ីក្នុងស្មារតីសង្គ្រោះជាតិ។
Posted in Culture, Education, Election, Leadership, Politics, Researches | Comments Off on Kem Sokha is imitating Hun Sen to blame those exiled from political executioning
Tags: Sam Rainsy and Kem Sokha
ស្រ្តីម្នាក់បដិសេធមិនមានទំនាក់ទំនងសេ្នហាជាមួយព្រះអង្គ លួន សុវ៉ាត ដូចឃ្លីបវីដេអូបង្ហោះលើហ្វេសប៊ុកនោះទេ
Comment: រឿងរ៉ាវព្រះតេជគុណលួនសាវ៉ាត់គឺដូចគ្នានឹងរឿងអាសីហាបញ្ចេញហ្វេសប៊ុកឃ្លីបតាមផេកក្លែងក្លាយ។ តែពេលនេះគឺបរាជ័យទាំងស្រុងពីព្រោះប្រជាពលរដ្ឋខ្មែរបានរៀនសូត្រមេរៀនដ៏អយុត្តិធម៍នេះរួចហើយ។ នៅពេលដែលប្រជាការពារក្លែងខ្លួនជាតំរួតស្នងការខេត្តសៀមរាបទៅឆែកឆេរ-ដកហូតទ្រព្យសម្បត្តិផ្ទាល់ខ្លួន-ទូរស័ព្ទដៃរបស់មនុស្សជាច្រើននាក់រួមទាំងខាងព្រះសង្ឈនិងស្ត្រីជនរងគ្រោះ ព្រមទាំងវាយខ្នោះក្មួយលោកពីរនាក់ទៀត និងគំរាមកំហែងគ្រប់បែបយ៉ាងដោយគ្មានដីកាតុលាការនោះ(បញ្ជាក់៖លោកជួន សុបញ្ញាបញ្ជាក់ប្រាប់វីអូអេពីដំបូងថាខាងតុលាការអត់ដឹងរឿងអីទេ) មេគណខេត្តសៀមរាបចេញសេចក្តីសម្រេចផ្សឹកព្រះអង្គលួនសុវ់ាត់ទាំងកំបាំងមុខ ដោយអាងតែទៅលើចំលើយដែលទទួលបានពីប៉ូលីសឆែកឆេរទាំងនោះប៉ុណ្ណោះ។ ពេលនេះអ្នកស្រីដួង សុថាវរី ស្នងការរងទទួលបន្ទុកខាងជួញដូរមនុស្សនិងអនីតិជនបានប្រាប់ថាមានពាក្យបណ្តឹងប្អូនស្រីម្នាក់ប្តឹងក្នុងពេលឆែកឆេរសួរចំលើយនោះដែរ។ ដូច្នេះ សំណួរសួរថាតើប៉ូលីសមានបុព្វសិទ្ធិក្នុងមាត្រាណាឬក្រមសីលធម៍ពិតរបស់ប៉ូលីសនៅកន្លែងណាដែលទៅឆែកឆេរ សួរចំលើយ រឹបអូសសម្បត្តិទ្រព្យឯកជន ព្រមទាំងវាយខ្នោះដៃមនុស្សគ្មានទោសកំហុសទាំងគ្មានដីការតុលាការនោះដោយសំអាងតែទៅលើសំលេងឃ្លីបក្នុងហ្វេសប៊ុននោះដែលមិនបង្កអោយមានអស្ថេរភាពក្នុងសហគមតែប៉ុនសសៃសក់ក៏គ្មានផងនោះ? តើបទចោទល្មើសវិន័យសង្ឃអាបត្តិបរាជិកដោយគ្រាន់តែជនអនាមិកបង្កើតផេកនិងបង្ហោះសំលេងក្លែងក្លាយតាមហ្វេសប៊ុកអាចជាភស្តុតាងគ្រប់គ្រាន់ព្រះវិន័យបានមែនទេ? តើបទចោទរឿងសេពសន្ទវៈមានកំរិតទោសធ្ងន់តាមក្រមព្រហ្មទណ្ឌនោះមានធាតុផ្សំគ្រប់គ្រាន់របៀបណា៖ រំលោភពេលណា នៅទីណា មានរូបថតបញ្ជាក់ស្នាមរើបំរាស់រលាត់រលាកនិងសាក្សីយ៉ាងណា? តើអ្នកស្រីដួង សុថាវរី មានបុព្វសិទ្ធិនិងតួនាទីយ៉ាងណាមកកាន់កាប់សំណុំរឿងនេះព្រោះតាមតួនាទីអ្នកស្រីគ្រាន់តែទទួលខុសត្រូវការចាប់រំលោភមនុស្សស្រីអនីតិជនឬក្រោមអាយុប៉ុណ្ណោះ? ឬអ្នកស្រីធ្វើការនេះលើសក្រមសីធម៌និងវិជ្ជាជីវៈរបស់ខ្លួនពីព្រោះខ្លួនជាសមាជិកពង្រឹងគណបក្សប្រចាំឃុំជីក្រែងជាមួយបក្សពួកមួយដំបរស្វានោះ? ឯណាទៅការអនុវត្តន៍យន្តការជាក់ស្តែងបើរកឃើញថាអ្នកស្រីរំលោភបំពានសហលក្ខន្តិកៈប៉ូលីសទាហានដែលត្រូវអព្យាក្រិតពិតប្រាកដនៅរាល់ការអនុវត្តន៍ការងាររបស់ខ្លួននោះ? រឿងការបង្ហោះសារក្លែងក្លាយនេះ មិនមែនគ្រាន់តែបំផ្លាញសេចក្តីសុខនិងសុវត្ថិភាពផ្ទាល់ខ្លួនរបស់បុគ្គលប៉ុណ្ណោះទេ ជាការមាក់ងាយនិងបំផ្លាញព្រះពុទ្ធសាសនាធ្ងន់ធ្ងរ។ មិនតែប៉ុណ្ណោះបទចោទរឿងព្រះសង្ឃរំលោភស្ត្រីភេទពេលនះគឺកាន់តែបំផ្លាញព្រះពុទ្ធសាសនាទ្វេរដងថែមទៀត។ យើងធ្លាប់តែលឺមនុស្សញៀនថ្នាំឬមនុស្សវិកលចរិកចាប់រំលោភក្មេង តែអ្នកស្រីហ៊ានអៈអាងថាស្ត្រីវ័យ២៧ឆ្នាំត្រូវបានគេរំលោភ ហើយអ្នករំលោភគឺព្រះសង្ឃថែមទៀតនោះ រឿងនេះគឺពិតជាអស្ចារ្យ ហើយមានតែទមិឡអត់សាសនាទេដែលជឿរឿងនេះនោះ!
23 មិថុនា 2020
បោះពុម្ពភ្នំពេញ —
ស្រ្តីម្នាក់ដែលត្រូវបានចោទប្រកាន់ថា មានទំនាក់ទំនងស្នេហាជាមួយព្រះអង្គ លួន សុវ៉ាត សកម្មជនសង្ឃល្បីឈ្មោះ បានចេញមុខដាក់ពាក្យបណ្តឹងថា នាងមិនមានទំនាក់ទំនងស្នេហាជាមួយព្រះអង្គនោះទេហើយថា ជនមិនស្គាល់អត្តសញ្ញាណបានបង្កើតហ្វេសប៊ុកដាក់ឈ្មោះហៅក្រៅរបស់កញ្ញា។
ស្រ្តីម្នាក់នោះមានឈ្មោះ ទឹម រដ្ឋា ហៅក្រៅថា ស្រីដា អាយុ៣០ឆ្នាំ ជាអ្នករស់នៅក្នុងភូមិអន្លង់ត្នោត ឃុំជីក្រែង ស្រុកជីក្រែង ខេត្តសៀមរាប ដែលមានផ្ទះនៅទល់មុខវត្តស្លែង ដែលព្រះអង្គ លួន សុវ៉ាតធ្លាប់គង់នៅ។
ក្នុងពាក្យបណ្តឹង ចុះថ្ងៃទី១៩ ខែមិថុនា ដែល VOA ទទួលបាន កញ្ញា ទឹម រដ្ឋា ដែលមានបងប្អូនស្រី៣នាក់ទៀតលើកឡើងថា ជនអនាមិកបង្កើតទំព័រហ្វេសប៊ុកក្លែងក្លាយឈ្មោះ Srey Da Chi-Kraeng ដែលបង្ហោះវីដេអូ៤ឃ្លីប ដែលក្នុងនោះមានរូបកញ្ញា បងប្អូនស្រីនិងម្តាយ។ ក្នុងវីដេអូនោះបងប្អូនស្រី និងម្តាយ ត្រូវបានចោទប្រកាន់ថា សន្ទនាស្នេហាជាមួយព្រះអង្គ លួន សុវ៉ាត ដែលព្រះអង្គបានបដិសេធដូចគ្នា។
ពាក្យបណ្តឹងដែលបង្ហោះទៅហ្វេសប៊ុករបស់រដ្ឋមន្រ្តីក្រសួងមហាផ្ទៃលោក ស ខេង ឲ្យដឹងថា៖
«ទាំងបងប្អូនខ្ញុំ៤នាក់ និងម្តាយត្រូវបានគេលួចយករូបថតទៅដាក់ក្នុងផេក រួមទាំងកាត់តសំឡេងធ្វើជាវីដេអូឃ្លីបនិយាយសាសងជាមួយព្រះសង្ឃបែបលេបខាយស្នេហា។ កត្តានេះធ្វើឲ្យខូចកិត្តិយសធ្ងន់ធ្ងរដល់នាងខ្ញុំនិងសមាជិកគ្រួសារទាំងអស់ ព្រមទាំងមានការរើសអើងនៅក្នុងភូមិ និងទីកន្លែងធ្វើការ»។
កញ្ញា ទឹម រដ្ឋា ថ្លែងប្រាប់ VOA នៅថ្ងៃអង្គារនេះថា វីដេអូដែលបង្ហោះលើទំព័រហ្វេសប៊ុកនោះមានរូបកញ្ញាបងប្អូននិងម្តាយបង្កើត។ កញ្ញាបន្តថា នេះជាការកាត់តសំឡេងបញ្ចូលគ្នា បង្កើតជាសាច់រឿង ដែលកញ្ញាថា មិនបានដឹងរឿងនេះទាល់តែសោះ។
កញ្ញាបញ្ជាក់ថា៖ «ខ្ញុំអត់បានប្រព្រឹត្ត។ ចង់និយាយថា បួនប្រាំនាក់(គ្រួសារ) គេចងទៅទាំង៥អ៊ីចឹង។អ៊ីចឹងអាគ្នាមិនបានធ្វើវាជាប់ទៅអ៊ីចឹងដែរ។ អ៊ីចឹងវាធ្វើឲ្យប៉ះពាល់កិត្តិយស។ វាធ្វើឲ្យប៉ះពាល់ផ្លូវចិត្តយើងទៀត»។
កញ្ញាបានបដិសេធថា កញ្ញាមិនមានទំនាក់ទំនងស្នេហាអ្វីជាមួយព្រះអង្គ លួន សុវ៉ាត នោះទេបើទោះជាផ្ទះនៅជិតវត្តព្រះអង្គគង់នៅ និងធ្លាប់ស្គាល់ព្រះអង្គក៏ដោយ។ កញ្ញាបន្ថែមថា មានគេចង់ធ្វើបាបព្រះអង្គ។
កញ្ញាបន្តថា៖ «ខ្ញុំអត់មានទំនាក់ទំនង(ស្នេហា)ជាមួយគាត់ផង គ្រាន់តែស្គាល់ ដោយសារលោក(គង់នៅ)វត្តនៅទល់មុខផ្ទះរបស់ខ្ញុំ»។
កញ្ញាបដិសេធមិនបកស្រាយបន្ត ដោយចង់រក្សាភាពស្ងៀមស្ងាត់និងទុកឲ្យសមត្ថកិច្ចចាត់ការស្វែងរកអ្នកបង្កើតទំព័រហ្វេសប៊ុកនេះ។
វីដេអូយ៉ាងតិចចំនួន៤ ដែលមានការចោទប្រកាន់ថា ជាសំឡេងរបស់ព្រះអង្គ លួន សុវ៉ាត ត្រូវបានបង្ហោះលើទំព័រហ្វេសប៊ុកមួយឈ្មោះ Srey Da Chi-Kraeng។ នេះជាទំព័រហ្វេសប៊ុកដែលទើបត្រូវបានបង្កើតឡើង កាលពីថ្ងៃទី ៣០ ខែឧសភា ឆ្នាំ២០២០នេះ ដែលមានអ្នកចុច Likes ទៅដល់ជាង ១ពាន់នាក់។
វីដេអូមួយក្នុងចំណោមវីដេអូផ្សេងទៀត ដែលមានរយៈពេលជាង៧នាទី ជាវីដេអូថតចេញពីការហៅសន្ទនាគ្នាតាមប្រព័ន្ធសង្គមហ្វេសប៊ុក ដែលមានឈ្មោះជាភាសាខ្មែរ «លួន សុវ៉ាត»។ ការសន្ទនាគ្នានេះមាននិយាយទាក់ទងនឹងស្នេហា ការប្រើប្រាស់ពាក្យពេចន៍ដូចជាម៉ាស្សា ឈឺខ្នង ឈឺចង្កេះនិងការហៅមកជួបគ្នាផងដែរ។ ចាប់តាំងពីថ្ងៃទី៤ខែមិថុនាមក ទំព័រហ្វេសប៊ុក Srey Da Chi-Kraeng មិនមានបង្ហោះសារអ្វីទៀតនោះទេ។
ចំពេលមានការចោទប្រកាន់រឿងសន្ទនាស្នេហា រហូតដល់មានការផ្សឹក ព្រះអង្គព្រះអង្គ លួន សុវ៉ាត នោះ សកម្មជនសង្ឃល្បីឈ្មោះនេះ កំពុងត្រូវបានតុលាការខេត្តសៀមរាបសង្ស័យថា បានប្រព្រឹត្តបទល្មើស«រំលោភសេពសន្ថវៈ»។
Read More …Posted in Culture, Education, Leadership, Politics, Researches, Social | Comments Off on ស្រ្តីម្នាក់បដិសេធមិនមានទំនាក់ទំនងសេ្នហាជាមួយព្រះអង្គ លួន សុវ៉ាត ដូចឃ្លីបវីដេអូបង្ហោះលើហ្វេសប៊ុកនោះទេ
Tags: Cambodia Buddhism, Social Injustice, ព្រះពុទ្ធសាសនាខ្មែរ
រដ្ឋាភិបាលសម្រេចបញ្ចេញថវិកាជួយអ្នកក្រីក្រជាងកន្លះលានគ្រួសារ ដែលមានទាំងអ្នករងគ្រោះដោយសារជំងឺកូវីដ
Comment: ការសម្រេចបញ្ចេញថវិកាជួយអ្នកក្រីក្រជាងកន្លះលានគ្រួសារដែលមានទាំងអ្នករងគ្រោះដោយសារជំងឺកូវីដផងនោះគឺជាលទ្ធផលមួយនៃការតស៊ូមតិរបស់អ្នកប្រជាធិបតេយ្យជាពិសេសសកម្មជន យុវជននិងគណបក្សសង្គ្រោះជាតិ។ លទ្ធផលសម្រាប់ប្រជាពលរដ្ឋខ្មែរគឺមានទាំងត្រេកអរផងនិងអាក់អន់ចិត្តផងពីព្រោះច្បាស់ជាមានការបែងចែកមិនត្រូវត្រូវនិងប្រាក់ជួយតិចតួចពេក មិនអាចដោះស្រាយជីវភាពអោយប្រសើរបានឬសងបំណុលបាន ព្រមទាំងមានការរើសអើងដល់អ្នកមាននិន្នាការនយោបាយផ្សេងគ្នានៅក្នុងសហគមតាមរយៈមេឃុំ-ចៅសង្កាត់-មេភូមិដែលត្រូវបានតែងតាំងតំណែងដោយគណបក្សប្រជាជនកម្ពុជា។ កត្តារើសអើងនេះគឺជាបរាជ័យរបស់ភាពជាមេដឹកនាំរបស់លោកហ៊ុនសែនពីរទសវត្សកន្លងមកនេះ ដែលបានរំលាយគណបក្សសង្គ្រោះជាតិនៅពេលឃើញថាបក្សនេះមានប្រជាប្រីយភាពជាងបក្សខ្លួន។ បន្ទាប់ពីកំចាត់សម្លេងជិតកន្លះនគរនេះមក លោកហ៊ុនសែនកាន់តែរន្ថើនបង្កើនកំឡាំងគណបក្សប្រជាជនកម្ពុជាខ្ពស់ជាងស្ថាប័នជាតិដែលការណ៍នេះគឺពិតជានាំគ្រោះកាចដល់ជាតិនេះខ្លាំងណាស់។ សព្វថ្ងៃមន្ត្រីរាជការមួយភាគដែលស៊ីប្រាក់ខែរាស្ត្របានកំពុងត្រូវគេអូសទាញផង បង្ខិតបង្ខំផង និងសន្យាតំណែងផងដោយក្រុមការងារគណបក្សប្រជាជនកម្ពុជាគ្រប់លំដាប់ថ្នាក់ជាពិសេសតាមរយៈបណ្តាញសហព័ន្ធសហភាពយុវជនកម្ពុជាជាដើម។
24 មិថុនា 2020
បោះពុម្ពភ្នំពេញ —
លោកនាយករដ្ឋមន្រ្តី ហ៊ុន សែន នៅថ្ងៃពុធនេះ បានអះអាងថា ជំនួយសង្គមជាថវិកាដែលរដ្ឋាភិបាលផ្តល់នៅពេលនេះ គឺជួយប្រជាពលរដ្ឋក្រីក្រនៅទូទាំងប្រទេស ដែលត្រូវបានបញ្ចូលក្នុងបញ្ជីគ្រួសារក្រីក្រ ហើយក៏ជាអ្នករងផលប៉ះពាល់ដោយសារជំងឺកូវីដ១៩។
លោក ហ៊ុន សែន ថ្លែងបែបនេះនៅក្នុងពិធីប្រកាសជាផ្លូវការកម្មវិធីឧបត្ថម្ភសាច់ប្រាក់ជូនប្រជាពលរដ្ឋដែលមានជីវភាពក្រីក្រនិងងាយរងគ្រោះ ក្នុងអំឡុងពេលជំងឺកូវីដ១៩។ ពិធីនេះធ្វើឡើងនៅវិមានសន្តិភាព និងមានការចូលរួមពីអង្គទូតនានា។
បើតាមលោក ហ៊ុន សែន អ្នកក្រីក្រទាំងនោះមានជាង ៥៦ម៉ឺនគ្រួសារ។ លោកបន្តថា ជំងឺកូវីដ១៩នេះ«បន្តអូសបន្លាយនិងមិនមានភាពច្បាស់លាស់» ដូច្នេះហើយទើបរដ្ឋាភិបាលសម្រេចជួយអ្នកក្រីក្រនៅពេលនេះ។
លោក ហ៊ុន សែន បន្តថា រដ្ឋាភិបាលរបស់លោក មិនបណ្តោយឲ្យប្រជាពលរដ្ឋស្លាប់ដោយអត់អាហារនោះទេ។ លោកបញ្ជាក់ថា ថវិកាទាំងនេះ ជាថវិកាដែលរដ្ឋាភិបាលសន្សំទុក តាំងពីដើមមក។
លោកមានប្រសាសន៍ថា៖ «ការប្រកាសដាក់ឲ្យអនុវត្តនូវកម្មវិធីឧបត្ថម្ភសាច់ប្រាក់ជូនគ្រួសារក្រីក្រ និងងាយរងគ្រោះ ក្នុងអំឡុងពេលជំងឺកូវីដ១៩ ក្នុងពេលនេះគូសរំលេចឲ្យឃើញជាថ្មីម្តងទៀតថា រាជរដ្ឋាភិបាល ដែលដឹកនាំដោយគណបក្សប្រជាជនកម្ពុជា និងក្រោមការដឹកនាំរបស់ខ្ញុំផ្ទាល់ នឹងមិនទុកឲ្យពលរដ្ឋណាមួយត្រូវស្លាប់ដោយអត់បាយ ដោយគ្មានការយកចិត្តទុកដាក់នោះទេ»។
កម្មវិធីជំនួយសង្គមពិសេសនេះនឹងជួយប្រជាជនក្រីក្រ ដែលមានបណ្ណក្រីក្រ១និង២ ដែលរដ្ឋាភិបាលបានចុះស្រង់ទិន្នន័យក្នុងពេលថ្មីៗនេះបន្ថែមទៀត។ ចំនួននេះមានរហូតទៅដល់ ៥៦ម៉ឺនគ្រួសារ។លោក ហ៊ុន សែន ថា ចំនួននេះនឹងបន្តកើនឡើងទៀត ដោយសារប្រជាជនកម្ពុជានឹងបន្តធ្លាក់ក្នុងភាពក្រីក្រ ដោយសារមិនមានការងារធ្វើ ហើយបាត់បង់ចំណូល។
តារាងប្រាក់ឧបត្ថម្ភជូនគ្រួសារក្រីក្រនិងងាយរងគ្រោះ ឲ្យដឹងថា គ្រួសារក្រីក្រនៅទីប្រជុំជននៅភ្នំពេញ និងនៅទីប្រជុំជនតាមខេត្តនានា នឹងទទួលបាន ១២ម៉ឺនរៀល ក្នុងមួយគ្រួសារ។ បន្ថែមពីនេះទៀត សមាជិកគ្រួសារម្នាក់ទទួលបាន ៤ម៉ឺនរៀល ហើយកុមារអាយុក្រោម ៥ឆ្នាំ នឹងទទួលបាន ៤ម៉ឺនរៀល ក្នុងមួយនាក់។ ចំណែកគ្រួសារក្រីក្រនិងងាយរងគ្រោះនៅតាមជនបទក្នុងបណ្តាខេត្តនានា មួយគ្រួសារនឹងទទួលបានចំនួន ៨ម៉ឺនរៀល។ សមាជិកគ្រួសារម្នាក់ទទួលបាន ២៤.០០០រៀល និងកុមារអាយុក្រោម ៥ឆ្នាំ ទទួលបាន ២៤.០០០រៀល។
លោក ហ៊ុន សែន បញ្ជាក់ថា នេះមិនមែនជាការផ្តល់ប្រាក់អចិន្រ្តៃយ៍នោះទេ ហើយរដ្ឋាភិបាលនឹងបន្តតាមដាន និងវាយតម្លៃផលប៉ះពាល់ជាក់ស្តែង រៀងរាល់ពីរខែម្តង។
លោក ហ៊ុន សែន បានអំពាវនាវឲ្យប្រជាពលរដ្ឋរកការងារធ្វើឲ្យបានឆាប់ និងត្រូវចៀសវាងបង្កើតទម្លាប់រស់នៅដោយពឹងផ្អែកទាំងស្រុងទៅលើប្រាក់ឧបត្ថម្ភ។
នៅថ្ងៃពុធនេះ ស្ថានទូតអាល្លឺម៉ង់ប្រចាំនៅកម្ពុជានិងស្ថានទូតអូស្រ្តាលី ដែលបាននិងកំពុងជួយកម្ពុជាក្នុងការផ្តល់បណ្ណក្រីក្រដល់ប្រជាពលរដ្ឋ បានចេញសេចក្តីប្រកាសព័ត៌មានមួយ គាំទ្រគម្រោងផ្តល់សាច់ប្រាក់របស់រដ្ឋាភិបាលកម្ពុជា។ ស្ថានទូតទាំងនេះលើកឡើងថា ពលរដ្ឋខ្មែរក្រីក្រជាង ៥៦ម៉ឺនគ្រួសារនេះគឺស្មើនឹងប្រជាជនប្រមាណ ២,៣លាននាក់ ដែលទទួលបានសិទ្ធិចូលរួមក្នុងកម្មវិធីថ្មីក្នុងការទទួលបានប្រាក់ឧបត្ថម្ភ។
លោក Günter Riethmacher នាយកទីភ្នាក់ងារកិច្ចសហប្រតិបត្តិការអាល្លឺម៉ង់ (GIZ) ប្រចាំប្រទេសកម្ពុជា លើកឡើងថា ក្រុមការងារបានបន្ថែមអ្នកក្រីក្រថ្មីជាង ៥ម៉ឺនគ្រួសារ ទៅក្នុងប្រព័ន្ធភាពក្រីក្រ (IDPoor) នៅក្នុងខែនេះ។
លោក Christian Berger ឯកអគ្គរដ្ឋទូតអាល្លឺម៉ង់ប្រចាំកម្ពុជាមានប្រសាសន៍ក្នុងសេចក្តីប្រកាសព័ត៌មានថា៖ «កម្មវិធីផ្ទេរសាច់ប្រាក់ដែលបានគ្រោងទុកនេះ គឺជាយន្តការដ៏មានប្រសិទ្ធភាពមួយ។កម្មវិធីនេះសំដៅជួយគ្រួសារណាដែលកំពុងមានតម្រូវការ ហើយនៅពេលជាមួយគ្នានេះដែរ វាជួយបង្កើនចំណាយក្នុងការប្រើប្រាស់ដែលជួយដល់សេដ្ឋកិច្ចទាំងមូល»។
Read More …Joint Statement On The Concerns about Ongoing Arrests of Political Activists
សេចក្តីថ្លែងការណ៍រួមស្តីពី ការព្រួយបារម្ភលើការបន្តចាប់ខ្លួនសកម្មជននយោបាយ
June 11, 2020 – by ADHOC- Cambodia
ថ្ងៃព្រហស្បតិ៍ ០៦រោច ខែជេស្ឋ ឆ្នាំជូត ទោស័ក ព.ស ២៥៦៤
ភ្នំពេញថ្ងៃទី១១ ខែមិថុនា ឆ្នាំ២០២០
សេចក្តីថ្លែងការណ៍រួមស្តីពី
ការព្រួយបារម្ភលើការបន្តចាប់ខ្លួនសកម្មជននយោបាយ
យើងខ្ញុំជាអង្គការសង្គមស៊ីវិល សហជីព និងសហគមន៍ សូមសម្តែងការព្រួយបារម្ភយ៉ាងខ្លាំងជុំវិញការចាប់ខ្លួនសកម្មជននយោបាយ ពិសេសអតីតសមាជិកគណបក្សសង្គ្រោះជាតិ ។
ថ្មីៗនេះ យើងសង្កេតឃើញសមត្ថកិច្ចបានបន្តចាប់ និងឃុំខ្លួនអតីតសមាជិកគណបក្សប្រឆាំងជាបន្តបន្ទាប់ ដោយការចោទប្រកាន់ពីបទ រួមគំនិតក្បត់ ញុះញង់ឱ្យប្រព្រឹត្តបទឧក្រិដ្ឋជាអាទ៍ និង បទញុះញង់ឱ្យយោធាមិនស្តាប់បង្គាប់ ដែលការចោទប្រកាន់ទាំងនេះបានរំលោភយ៉ាងធ្ងន់ធ្ងរទៅលើសេរីភាពក្នុងការបញ្ចេញមតិ និងសិទ្ធិធ្វើនយោបាយរបស់ប្រជាពលរដ្ឋ ដែលទទួលស្គាល់ដោយរដ្ឋធម្មនុញ្ញនៃព្រះរាជាណាចក្រកម្ពុជា សេចក្តីប្រកាសជាសកលស្តីពី សិទ្ធិមនុស្ស និងកតិកាសញ្ញាអន្តរជាតិស្តីពីសិទ្ធិពលរដ្ឋ និងសិទ្ធិនយោបាយ ដែលប្រទេសកម្ពុជាជារដ្ឋហត្ថលេខី ។
រដ្ឋធម្មនុញ្ញនៃព្រះរាជាណាចក្រកម្ពុជា មាត្រា ៥១ថ្មីចែងថា “ប្រជាពលរដ្ឋ គឺជាម្ចាស់វាសនានៃប្រទេសជាតិរបស់ខ្លួន។ អំណាចទាំងអស់ជារបស់ប្រជាពលរដ្ឋ…” មាត្រា៣៥ ចែងថា “ប្រជាពលរដ្ឋខ្មែរទាំងពីរភេទ មានសិទ្ធិចូលរួមយ៉ាងសកម្មក្នុងជីវភាពនយោបាយ …របស់ប្រទេសជាតិ” និងមាត្រា៤១ ចែងថា “ប្រជាពលរដ្ឋខ្មែរមានសេរីភាពខាងការបញ្ចេញមតិរបស់ខ្លួន សេរីភាពខាងសារព័ត៌មាន…។” ដើម្បីឱ្យប្រទេសជាតិមានការរីកចម្រើនលូតលាស់ និងសុខសន្តិភាពពិតប្រាកដទៅបាន គឺទាល់តែប្រជាពលរដ្ឋមានសិទ្ធិសេរីភាពក្នុងការបញ្ចេញមតិ និងសិទ្ធិចូលរួមក្នុងសកម្មភាពនយោបាយបានដោយសេរី និងពេញលេញ។
ក្នុងស្ថានភាពបច្ចុប្បន្នដែលប្រទេសកម្ពុជា ក៏ដូចជាពិភពលោកទាំងមូល កំពុងប្រឈមដោយសារជំងឺកូវិដ១៩ ដែលធ្វើឱ្យប៉ះពាល់យ៉ាងខ្លាំងដល់ចរន្តសេដ្ឋកិច្ច សង្គមកិច្ច ទីផ្សារការងារ និង ភាពភ័យខ្លាចដល់ប្រជាពលរដ្ឋ ។ ហេតុដូច្នេះ ក្នុងនាមយើងខ្ញុំជាអង្គការសង្គមស៊ីវិល សហជីព និងសហគមន៍ ស្នើដល់អាជ្ញាធរមានសមត្ថកិច្ច តុលាការ និងស្ថាប័នពាក់ព័ន្ធបញ្ឈប់ការយាយី និងបន្តចាប់ខ្លួនអតីតសមាជិកគណបក្សប្រឆាំង ក៏ដូចជាប្រជាពលរដ្ឋផ្សេងទៀត ដែលគ្រាន់តែពួកគេសម្តែង មតិដោយសន្តិវិធី។ ជាការពិតណាស់ ការបន្តចាប់ និងឃុំខ្លួនសកម្មជនទាំងនោះ មិនមែនជាជម្រើសដ៏ល្អក្នុងការដោះស្រាយបញ្ហានោះទេ ផ្ទុយទៅវិញ រឹតតែធ្វើឱ្យប្រទេសជាតិជួបនូវវិបត្តិកាន់តែធ្ងន់ធ្ងរបន្ថែមទៀត ព្រមទាំងធ្វើឱ្យសង្គមជាតិទាំងមូល បែកបាក់កាន់តែខ្លាំងឡើងៗ ទៅវិញ។
ដូច្នេះយើងខ្ញុំជា អង្គការសង្គមស៊ីវិល សហជីព និងសហគមន៍ សូមអំពាវនាវដល់រាជរដ្ឋាភិបាល និងភាគីពាក់ព័ន្ធ ដូចតទៅ៖
១. ស្នើដល់អ្នកនយោបាយ ទាំងគណបក្សកាន់អំណាច ទាំងគណបក្សប្រឆាំង និងភាគីពាក់ព័ន្ធទាំងអស់ ត្រឡប់មករកការចរចា ដើម្បីរកដំណោះស្រាយនយោបាយរួមគ្នា ដោយឈរលើគោលការណ៍ប្រជាធិបតេយ្យ និងគោរពតាមរដ្ឋធម្មនុញ្ញ ដោយតម្កល់ផលប្រយោជន៍ប្រជាពលរដ្ឋ និងសង្គមជាតិជាធំ។
២. ត្រូវគោរពសិទ្ធិពលរដ្ឋ សិទ្ធិនយោបាយ និងសេរីភាពបញ្ចេញមតិរបស់ពលរដ្ឋសកម្ម។
៣. ធ្វើការដោះលែងអ្នកជាប់ឃុំដោយរឿងនយោបាយ និងអ្នកទោសមនសិការ
៤. ត្រូវបញ្ឈប់ជាបន្ទាន់នូវការបន្តយាយី ចាប់ និងឃុំខ្លួនសកម្មជននយោបាយ និងពលរដ្ឋសកម្មផ្សេងទៀត ដែលបានប្រើប្រាស់សិទ្ធិស្របច្បាប់របស់ពួកគេ។
គាំទ្រដោយ៖
១ អង្គការសម្ព័ន្ធភាពការពារសិទ្ធិមនុស្សកម្ពុជា (CHRAC)
២ សមាគមការពារសិទ្ធិមនុស្ស និងអភិវឌ្ឍន៍នៅកម្ពុជា អាដហុក (ADHOC)
៣ សម្ព័ន្ធខ្មែរជំរឿន និងការពារសិទ្ធមនុស្ស លីកាដូ (LICADHO)
៤ គណ:កម្មការឃ្លាំមើលការបោះឆ្នោតដោយសេរី និងយុត្តិធម៌នៅកម្ពុជា (COMFREL)
៥ មជ្ឈមណ្ឌលពលរដ្ឋដើម្បីអភិវឌ្ឍន៍ និង សន្តិភាព (PDP-Center)
៦ វិទ្យាស្ថានប្រជាធិបតេយ្យកម្ពុជា(CID)
៧ សម្ព័ន្ធសហគមន៍កសិករកម្ពុជា (CCFC)
៨ មជ្ឈមណ្ឌលសម្ព័ន្ធភាពការងារ និងសិទ្ធិមនុស្ស (CENTRAL)
៩ សម្ព័ន្ធសហជីពកម្មករចំណីអាហារ និងសេវាកម្មកម្ពុជា (CFSWF)
១០ អង្គការកម្មវិធីអភិវឌ្ឍន៍ធនធានយុវជន (YRDP)
១១ មជ្ឈមណ្ឌលសិទ្ធិមនុស្សកម្ពុជា (CCHR)
១២ សហភាពការងារកម្ពុជា (CLC)
១៣ អង្គការតម្លាភាពកម្ពុជា (TIC)
១៤ បណ្តាញយុវជនកម្ពុជា (CYN)
១៥ សមាគមប្រជាធិបតេយ្យឯករាជ្យនៃសេដ្ឋកិច្ចក្រៅប្រព័ន្ធ (IDEA)
១៦ សម្ព័ន្ធគណនេយ្យភាពសង្គម កម្ពុជា (ANSA)
១៧ សមាគមខ្មែរកម្ពុជាក្រោម ដើម្បីសិទ្ធិមនុស្ស និងអភិវឌ្ឍន៍ (KKKHRDA)
១៨ បណ្តាញសហគមន៍ព្រៃឡង់ (PLCN)
១៩ មជ្ឈមណ្ឌលកម្ពុជាដើម្បីការពារសិទ្ធិកុមារកម្ពុជា (CCPCR)
២០ អង្គការការពារសិទ្ធិជនជាតិភាគតិច (MIRO)
២១ អង្គការសិទ្ធិមនុស្សដើម្បីតម្លាភាព និងសន្តិភាព (HROTP)
២២ កម្ពុជាឯករាជ្យប្រឆាំង (CIACC)
២៣ សម្ព័ន្ធដើម្បីសុចរិតភាព និងគណនេយ្យភាពសង្គម (CISA)
២៤ អង្គការក្រុមការងារដើម្បីដោះស្រាយទំនាស់ (ACT)
២៥ មជ្ឍមណ្ឌលអប់រំច្បាប់សម្រាប់សហគមន៍ (CLEC)
២៦ អង្គការអភិវឌ្ឍន៍សំលេងសហគមន៍ (BCV)
២៧ សមាគមឥន្ត្រទេវី (IDA)
២៨ អង្គការសកម្មភាពប្រជាជនដើម្បីការអភិវឌ្ឍន៍ (PADO)
២៩ អង្គការស្ម័គ្រចិត្តដើម្បីសង្គម (CVS)
៣០ បណ្តាញយុវជន CamAsean (CamAsean)
Thursday June 11th, 2020 – Original Source for Your Reference: ADHOC- Cambodia
Phnom Penh, June 11, 2020
Joint Statement On
The Concerns about Ongoing Arrests of Political Activists
We, the undersigned Cambodian Civil Society Organizations, Trade Unions and Communities, would like to express our grave concerns over the arrest of former political activists, specifically of former members of the Cambodian National Rescue Party.
Read More …Posted in Economics, Election, Leadership, Politics, Researches, Social | Comments Off on Joint Statement On The Concerns about Ongoing Arrests of Political Activists