New voice distributed in social media about new strategy of Hun Sen

With his exhausting speech in the recorded clip in about 11 minutes, Hun Sen comes up with new interesting strategy to counterstrike Sam Rainsy who is planning to return back to Cambodia.

In summary, Hun Sen’s new strategy to counterstrike Sam Rainsy: 1. No rebuttal messages from all ranks and units of the military like before when Sam Rainsy appeal military to stand up to protect the people. 2. Isolate Ah Sam Rainsy (derogatory name calling) by no one respond back to him, or give him credit in any possible future negotiation. 3. Only freshnews and spokespersons of each ministry to respond including broadcasting Sok Sokun’s talks who is a regular facebook frenzy speaker. 4. Arrest Ah Sam Rainsy (derogatory name-calling) with court order when he lands in Cambodia, if any opposing happened, the force must destroy them.5. We could survive another few years and it is sufficient time to back up when EBA fully withdrawing.

Sok Sakoun, a frenzy speaker in facebook Hun Sen referred to to order of broadcasting his speeches through his freshnews and other media outlets. Courtesy: facebook page

He stresses that without EBA, the country could survive, and the withdrawal of EBA is only coming from two persons, not the whole member states of Europe. More than this, Cambodia will host the Asia-Europe meeting in 2020.

For the arm-force, he ordered military and police to swiftly dismantle and destroy any force against the arrest while Sam Rainsy lands in Cambodia. He confirmed not to ask for pardon for both Ah Kem Sokha and Ah Sam Rainsy (derogatory name-calling) in any circumstance as both of them have made him a lot of suffering.

Spread the love
  •  
  •  
  •  
  •  
  •  
  •  
  •  
  •  
  •  
  •  
  •  
  •  

ភាពឯកោរបស់ហ៊ុនសែន បុណ្យមាឃបូជានិងការចាប់ផ្សឹកព្រះសង្ឃហោ សុខុន

សប្តាហ៍នេះជាដើមខែនៃបុណ្យមាឃបូជា ជាបុណ្យសំខាន់សម្រាប់អ្នកកាន់ព្រះពុទ្ធសាសនា។ មាឃបូជាត្រូវបានពុទ្ធបរិស័ទចាត់ទុកថាជាថ្ងៃបុណ្យរំលឹកដល់ព្រះធម៍នៅពេលដែលវិសាខបូជារំលឹកដល់ព្រះពុទ្ធ និងអាសាឍបូជារំលឹកដល់ព្រះសង្ឃ។

តែអ្វីដែលធ្វើអោយពុទ្ធបរិស័ទទូទាំងប្រទេសនិងជុំវិញពិភពលោកភ្ញាក់ផ្អើលនៅពេលនេះគឺការចាប់ផ្សឹកព្រះតេជគុណហោ-សុខុនទាំងយប់អាធ្រាតថ្ងៃទី១៣ខែកុម្ភៈឆ្នាំ២០១៩នេះនៅវត្តបទុមវតី រាជធានីភ្នំពេញ។ សូមបញ្ជាក់ថាព្រះតេជគុណហោ-សុខុនជាព្រះចៅអធិការវត្តច្បារអំពៅមានទស្សនទានព្រះពុទ្ធសាសនាផ្សាភ្ជាប់សង្គមដ៏ខ្លាំងក្លា ហើយរមែងកោតសរសើរមន្ត្រីជាច្រើនក្នុងជួររដ្ឋាភិបាលមានលោកនាយករដ្ឋមន្ត្រីហ៊ុន-សែនជាដើម។ ជាពិសេសជាងនេះទៅទៀតនោះ ព្រះសង្ឃអង្គនេះហ៊ានចេញមុខតវ៉ានិងប្តឹងលោកខឹម-វាសនា មេដឹកនាំបក្សសម្ព័ន្ធដើម្បីលទ្ធិប្រជាធិបតេយ្យដែលរមែងប្រើវោហាសាស្ត្រអសុរសវាយប្រហារប្រជាពលរដ្ឋខ្មែរ ព្រះសង្ឃ និងប្រទេសជាតិខ្លួនឯង តែរមែងគេចផុតពីសំណាញ់ច្បាប់។

សារចុងក្រោយដែលអាចនាំទៅរកការចាប់ផ្សឹកនេះគឺការដែលព្រះតេជគុណហោ-សុខុនអានអត្ថបទឡាយតាមហ្វេសប៊ុកសរសើរដល់លោកស-ខេងប្រៀបប្រដូចទៅនឹងផ្កាយសំណាងរបស់កម្ពុជាដែលអាចស្រោចស្រង់ប្រទេសជាតិពីវិបត្តិបច្ចុប្បន្ន។ អ្នកដែលទៅសួរនាំលោកដល់វត្តអំពីសុន្ទរកថានេះគឺលោកជា-សុផារ៉ានិងអភិបាលរាជធានីភ្នំពេញខួង-ស្រេងដែលគេស្គាល់ថាជាមនុស្សស្និទនឹងលោកនាយករដ្ឋមន្ត្រីហ៊ុន-សែន។

ការផ្សឹកព្រះសង្ឃហោ-សុខុនគឺប្រផ្នូលនៃការបែកបាក់ដែលមិនអាចផ្សះផ្សាវិញបាន

ជារឿយៗ លោកស-ខេងត្រូវបានមហាជនស្គាល់តាមរយៈភាពមុឺងម៉ាត់ក្នុងការគោរពច្បាប់និងមានចំណេះដឹងខ្ពស់ខាងដឹកនាំប្រទេសតាមនីតិរដ្ឋ ដែលផ្ទុយពីលោកហ៊ុន-សែនដែលរមែងបត់បែននិងជាន់ឈ្លីលើច្បាប់ក្នុងន័យរក្សាអំណាចក្នុងមោទនភាពនយោបាយឈ្នះៗរបស់ខ្លួន។ អ្នកទាំងពីរមានទស្សនៈដឹកនាំប្រទេសជាតិខុសគ្នាឆ្ងាយណាស់រាប់ចាប់តាំងពីលោកជា-សុីមមកម្លេះ។ មហាជនយល់ថាលោកស-ខេងប្រៀបបាននឹងទឹកត្រជាក់ដែលត្រីទាំងឡាយរមែងមកស្នាក់អាស្រ័យ។ ចំណែងលោកហ៊ុន-សែនប្រៀបបាននឹងភ្លើងដែលរមែងឆាបឆេះជារៀងរហូត។ ជាលទ្ធផល មកដល់ថ្ងៃនេះលោកស-ខេងប្រមូលបានអំណាចទន់និងប្រជាប្រីយភាពខ្ពស់ក្នុងជួរថ្នាក់ដឹកនាំគណបក្សប្រជាជនកម្ពុជា នៅពេលដែលលោកហ៊ុន-សែនបានប្រឹងកៀរគរកំលាំងប្រដាប់អាវុធមកដាក់ខាងខ្លួនបានស្ទើទាំងស្រុងទាំងកំឡាំងយោធានិងប៉ូលីស។ លោកហ៊ុន-សែនមិនគ្រាន់តែស្ងប់ចិត្តជាមួយកំឡាំងប្រដាប់អាវុធ ទាំងកំឡាំងអង្គរក្សទាំង៦០០០ពាន់នាក់ដែលស្វាមីភក្តិចំពោះខ្លួននិងកំឡាំងយោធាជាតិដែលមានកូនច្បងរបស់ខ្លួនជាមេបញ្ជាការថ្មីថ្មោងនោះទេ លោកហ៊ុន-សែនបានប្រឹងកៀរគរច្បាមយកសេដ្ឋកិច្ចជាតិទាំងមូលមកដាក់ក្រោមចំណុះរបស់ខ្លួនផងដែរ។ តាមសារវីដេអូឃ្លឹបរបស់ព្រះសង្ឃហោ-សុខុន ព្រះអង្គសរសើរដល់គុណសម្បត្តិរបស់លោកស-ខេងចំៗតែម្តង ដែលជារឿយៗលោកស-ខេងមិនហ៊ានទទួលយកជាសាធារណៈទេ។ ការកោតសរសើរនេះកើតឡើងមិនប៉ុន្មានថ្ងៃក្រោយការលេចធ្លាយឯកសារអ្នកស្រឡាញ់ស្នេហាគណបក្សប្រជាជនកម្ពុជាវាយប្រហារខ្លាំងៗទៅលើលោកហ៊ុន-សែនដែលបានដឹកនាំប្រទេសកាន់តែផ្តាច់ការនិងគ្មានហេតុផលខ្លាំងឡើងៗក្នុងពេលបច្ចុប្បន្ន។

Bhikkhu Ho Sokhon was forcefully disrobed in the night of Feb. 13, 2019

លោកហ៊ុន-សែនហាក់ដូចជាជឿក្នុងខ្លួនថាពេលណាខ្លួនក្តោបក្តាប់ទាំងស្រុងនូវកងកំឡាំងប្រដាប់អាវុធនិងសេដ្ឋកិច្ចបានគឺគ្មាននរណាផ្តួលរំលំលោកបានទេ!

ការសន្និដ្ឋានបែបនេះកើតឡើងនៅពេលដែលលោកហ៊ុន-សែនរើខ្លួនចេញរួចពីបាតុកម្មមហាជនរាប់លាននាក់ដឹកនាំដោយគណបក្សសង្គ្រោះជាតិក្នុងឆ្នាំ២០១៣ប្រឆាំងនឹងលទ្ធផលបោះឆ្នោត។ ពេលនោះលោកហ៊ុន-សែនរុញកូនអុកទៅក្នុងក្រឡា៥យ៉ាងគឺ

១. ប្រូម៉ូតខ្លួនឯងតាមបណ្តាញសង្គមហ្វេសប៊ុកដើម្បីយកប្រៀបលើសម-រង្សុី និងយល់ព្រមតាមសំណើររបស់គណបក្សសង្គ្រោះជាតិតាមចំណុចណាដែលខ្លួនបានប្រៀប។

២.ពង្រីកកំឡាំងអសន្តិសុខខ្លួនឯងដែលគាត់ហៅថាក្រុមបាតដៃទី៣ឬក្រុមប្រជាការពារដោយមានលោកហុឹង-ប៊ុនហៀងជាមេដឹកនាំក្នុងការដឹកនាំកំចាត់នៅក្រៅសំណាញ់ច្បាប់ទាំងក្រុមប្រឆាំងនិងក្រុមរដ្ឋាភិបាល។

៣. បង្កើនថាមពលនិងសព្វាវុធដល់ក្រុមអង្គរក្សផ្ទាល់ខ្លួន កំណែរទម្រង់កងយោធពលខេមរភូមិន្ទនិងប៉ូលីសដោយដាក់មនុស្សសំខាន់ៗដែលទុកចិត្តមានកូនៗនិងសាច់ញាតិជាដើម។

៤.្ ពង្រឹងនិងពង្រីកអំណាចក្រៅច្បាប់របស់ខ្លួនដើម្បីធ្វើអោយប្រាកដថាស្ថាប័នព្រះមហាក្សត្រ រដ្ឋសភា តុលាការ និងមន្ត្រីរាជការសុីវិលមានមនុស្សដែលស្មោះស្ម័គ្រខ្លួន ហើយពួកគេអាចធ្វើសកម្មភាពបានគ្រប់ពេលវេលាទាំងល្មើសច្បាប់ក៏អាចធ្វើបានដោយគ្មានទោសទណ្ឌ។

៥. ប្រគល់ដងខ្លួនមួយកំណាត់អោយទៅវៀតណាមនិងមួយកំណាត់ទៀតអោយទៅចិនដើម្បីអោយមានការគាំទ្រគំរោងបន្តអំណាចរបស់ខ្លួននិងការធ្វើសន្តតិវង្សមូបនីយកម្ម។

ជាលទ្ធផលលោកហ៊ុន-សែនធ្វើបានសម្រេចក្នុងរយៈពេល៣ឆ្នាំនេះដោយរំលាយគណបក្សសង្គ្រោះជាតិនិងដកបក្សដ៏ខ្លាំងក្លានេះចេញពីសៃវេណបោះឆ្នោតប្រជាធិបតេយ្យ និងបោះឆ្នោតលែងសើចក្តោបក្តាប់យកកៅអីសភាទាំង១២៥មកកាន់កាប់។

ប៉ុន្តែផលកម្មនៃគំរោងអធម៍នេះបានរួមរឹតលោកហ៊ុន-សែនទៅវិញ៖

១. ក្លាយជារដ្ឋាភិបាលមិនស្របច្បាប់ឬខ្វះធម្មានុរូបពិតប្រាកដ

២. កាន់តែពង្រឹងកំឡាំងទ័ពនិងកំឡាំងសេដ្ឋកិច្ច ក្រុមមេដឹកនាំគ្រាក់ៗនិងសមាជិកបក្សកាន់តែមានសមានចិត្តដល់លោកស-ខេង

៣. អុីយូ សហរដ្ឋអេមរិក អូស្ត្រាលី កាណាដា និងអង្គការសហប្រជាជាតិ នឹងមានវិធានការណ៌ខ្លាំងក្លាជាបន្តបន្ទាប់លើភាពឆ្គាំឆ្គងរបស់លោកហ៊ុន-សែន

៤. លោកត្រាំទៅជួបប្រជុំលោកគីម-ចុងអ៊ុននៅវៀតណាមខាងមុខនេះនឹងជាសញ្ញាថាវៀតណាមយកអាមេរិកជាបង្អែកក្នុងន័យធ្វើតុល្យភាពអំណាចជាមួយចិនក៏ដូចជាអាចនឹងប្រគល់ដងខ្លួនមួយចំហៀងនោះអោយមកហ៊ុន-សែនវិញ។ និង

៥. ពេលបច្ចឹមប្រទេសផ្តាច់កិច្ចអនុគ្រោះពន្ធពីកម្ពុជា ចិនជាអ្នកបាត់បងចំណូលច្រើនជាងគេពីព្រោះរោងចក្រកាត់ដេរជាង៦០០នៅកម្ពុជា ចិនជាអ្នកផ្គត់ផ្គង់វត្ថុធាតុដើម ហើយម្ចាស់រោងចក្រភាគច្រើនគឺជាជនជាតិចិន។

ហ៊ុន-សែននឹងក្លាយជាជនឯកាបន្តិចម្តងៗ មិនខុសពីភ្លើងបើឆេះសន្ធរសន្ធៅនៅកន្លែងណា មហាជននាំគ្នារត់ចេញពីកន្លែងនោះ។

ការផ្សឹកព្រះសង្ឃហោ-សុខុនគឺជាការជាន់ឈ្លីព្រះពុទ្ធសាសនាដែលអាចនាំទៅរកការមួរម៉ៅក្តៅក្រហាយដល់ពុទ្ធសាសនិកជនខ្មែរ

ព្រះសង្ឃដែលមានអបត្តិបរាជិក៤ ទើបអាចផ្សឹកបាន។ ព្រះសង្ឃហោ-សុខុនដែលជាអ្នកគាំទ្រគណបក្សប្រជាជនកម្ពុជាយ៉ាងប្តូរផ្តាច់ ព្រះអង្គគ្រាន់តែទេសនាវែកញែកតាមរយៈការច្របាច់បញ្ចូលគ្នារវាងធម៍និងសង្គម ឬគ្រាន់តែជាការសរសើរនិងនិន្ទាតាមទស្សនគតិផ្ទាល់ខ្លួន មិនអាចខុសវិន័យរហូតដល់មានការចាប់ផ្សឹកនោះទេ។ ប្រការនេះជាការជាន់ឈ្លឺព្រះពុទ្ធសាសនាយ៉ាងកំរោល។ ប្រទេសកម្ពុជាមានវត្តប្រហែលជាង៤០០០វត្ត និងមានព្រះសង្ឃប្រហែលជាង៦០០០០អង្គ។ ក្នុងចំណោមប្រជាពលរដ្ឋជាង១៥លាននាក់ ៩៨ភាគរយជាអ្នកជឿនិងប្រតិបត្តិព្រះពុទ្ធសាសនា។


ការប្រកាសវិលត្រឡប់ចូលកម្ពុជាវិញរបស់លោកសម-រង្សុីធ្វើអោយហ៊ុន-សែនឆ្លេរឆ្លារកាន់តែខ្លាំងឡើងៗ

ក្នុងវ័យជរានិងមានជំងឺប្រចាំរាងកាយទៀត លោកហ៊ុន-សែនកំពុងប្រឈមបញ្ហាសព្វបែបយ៉ាង ទាំងផ្ទៃក្នុងបក្ស ទាំងការបាត់បង់សំលេងគាំទ្រពីប្រជាជននិងអន្តរជាតិ និងការត្រឡប់មកប្រទេសកម្ពុជាវិញរបស់លោកសម-រង្សុី។ ត្រូវកត់ចំណាំថាគំរោងវិលត្រឡប់មកប្រទេសវិញរបស់លោកសម-រង្សុីនឹងអាចមិនខុសគ្នាពីការប្រកាសជាប្រធានាធិបតីស្តីទីរបស់លោកជួន កៃដូ នៃប្រទេសវេណាស៊ូអេឡាទេ។ លោកសម-សង្សុីនឹងត្រូវប្រជាពលរដ្ឋមកទទួលស្វាគមន៍រាប់លាននាក់ដូចកំឡុងឆ្នាំង២០១៣ អន្តរជាតិជាពិសេសប្រទេសលោកសេរីនិងអង្គការសហប្រជាជាតិមិនអាចមិនអើរពើរ នឹងអមដំណើរលោកសម-រង្សុីនិងគណៈប្រតិភូរបស់គាត់ផងដែរ។

Greeting crowd to welcome Sam Rainsy from abroad lining up from Airport to Phnom Penh city: this photo is at the Cabinet of Minister or House of PM Hun Sen in that Time.
Spread the love
  •  
  •  
  •  
  •  
  •  
  •  
  •  
  •  
  •  
  •  
  •  
  •